再度更新:繃帶型波Boot Nemeziz 19+ FG

Nemeziz,2017年推出,一對當時非常創新嘅波boot。於頂級版本上,Nemeziz用上繃帶用料,並取代了有鞋帶的傳統設計。
三間當年用咗兩年時間開發Nemeziz 17+ ,亦搵咗超過200名職業球員測試及糾正,期望Nemeziz可以完美現身。畢竟Nemeziz用料同設計非常創新,要令到波Boot可以以全繃帶包圍足踝之餘,亦可以提供充裕Lockdown及靈活度,的確唔係一件容易嘅事。
Nemeziz於2017年推出,亦正式取代當時銷量不太理想嘅美斯系列,畢竟要搵到一個球星,成為品牌旗下四大主打系列之一,確實有點難度,例如C朗一直推出嘅CR7款式,亦只不過係Mercurial其中一個特別款式,並非旗下四大主打系列之一,再何況美斯球場外嘅個人魅力的確不算理想。
Nemeziz 17+ 2017年嘅面世,亦成功吸引到唔少波友嘅眼球,創新嘅設計,特別嘅用色,靈活速度嘅主打,係唔少年輕波友想擁有嘅一對波Boot。至於原有嘅美斯系列,最後亦成為了Nemeziz旗下嘅特別款式。

Nemeziz於2017年推出,亦正式取代當時銷量不太理想嘅美斯系列,畢竟要搵到一個球星,成為品牌旗下四大主打系列之一,確實有點難度,例如C朗一直推出嘅CR7款式,亦只不過係Mercurial其中一個特別款式,並非旗下四大主打系列之一,再何況美斯球場外嘅個人魅力的確不算理想。
Nemeziz 17+ 2017年嘅面世,亦成功吸引到唔少波友嘅眼球,創新嘅設計,特別嘅用色,靈活速度嘅主打,係唔少年輕波友想擁有嘅一對波Boot。至於原有嘅美斯系列,最後亦成為了Nemeziz旗下嘅特別款式。
Nemeziz於這幾年間有著唔同嘅改變,而阿靴今次簡談嘅係頂級版+嘅系列。Nemeziz 17+當時推出,非常修腳,鞋面繃帶用料也較薄,鞋頭質料則不是繃帶,用的是AgilityKnit科技,當時被人詬病嘅係Lockdown較差,同時亦有刮腳嘅狀況出現。
現時三間嘅波Boot推出有著一致嘅時序,佢哋隔兩代,波Boot外表先會有較大嘅嘅唔同,而兩代之間,只會作微調,並改善前一代出現嘅問題。因此,Nemeziz 17+同18+外表非常接近,同樣為打斜嘅繃帶設計。但18+轉為鞋頭較多空間,腳背繃帶位置會較厚及舒適,以及加強Lockdown嘅中筒設計,阿靴亦實測過Nemeziz 18+,詳情可以㩒入去“屎波裝備多”Youtube。
去到今年度,Nemeziz由18+提升至19+,根據翻三間波Boot推出嘅時序,Nemeziz 19+外型同以往兩代有著明顯嘅唔同,Nemeziz 19+有更明顯嘅中筒設計,繃帶設計亦由之前嘅打斜紋理轉為兩邊對稱拉入嘅狀況,呈一層層嘅V字狀。Nemeziz 19+基本上係全繃帶設計,鞋頭及兩側配以塗層,期望可以增強球感及耐用程度。
Nemeziz 19+ 嘅鞋釘設計亦分為兩段式,設計有點似Mercurial嘅狀況,前方鞋釘及後方鞋釘分開,亦配以特別嘅顏色,令波Boot有更好嘅視覺效果。
今次阿靴手上嘅係三間最新推出嘅Encryption Code Pack,係阿靴非常喜歡嘅用色,亦係Nemeziz19+ 系列上第一對兩邊有特別花紋嘅波Boot,鞋尾三間,以及鞋身上嘅Nemeziz字樣均用上非常突出嘅螢光橙色。就咁試上腳,Nemeziz 19+的確有啲難著,不過佢隨Boot附送鞋抽一個,有佢嘅輔助下,上腳就可以輕鬆唔少;質感上Nemeziz19+同樣包得較貼,鞋身質料則傾向薄,但同時帶點硬。
至於嘅Nemeziz 19+ 發揮又會係如何?遲下阿靴亦會實測一吓佢。唔知大家有無咩問題?阿靴會盡能力晌遲吓嘅實測上同大家解答。